नरेन्द्रजंग पिटरको कालो डायरी र कफीको कम्युनिष्ट स्वाद

 सान्त्वना 

कुन ढुंगा होला
जो ढुंगासंग नठोकिएको । 

तिमीसंग पनि छ पहाड र रगताम्मे औलाहरु 
मौन तर थर्थराइरहेका ओठ 
र तलाउ भित्र छन्भयग्रस्त एक जोर आँखा 

सबै अक्षर नकाटिएर
कहाँ बन्छ अर्थपुर्ण बाक्य ?
सधै नचोईटिएर – कहाँ उदाउन पाउँछ चन्द्रमा ?
र कुन किनार होला नदीको 
जो भेलहरुले नभत्किएको ।  

सबै आफन्त हुँदैनन साथमा भएकाहरु
साथमा नभएकाहरु सबै पराई हुँदैनन् । 

झर्छु भनेर नफूलेको फूल जस्तो 
हाँसिदिनु जुनको दागसंग 
निभ्नु अघिको दियो झै तेजस्वी बनिदिनु
र बगेर जाने पानीले धोईदिनु आँसुहरु । 

किनकी कुन फलाम होला 
आगोमा नखारिएको ?
कुन नदि होला – निर्जन ठाउँमा नहराएको
र अग्ला छाँगाबाट नखसेको ? 

कुन ढुंगा होला
जो ढुंगासंग नठोकिएको ?

@NABIN ABHILASHI

https://nepalaaja.com/2018/5/20185128380